Jo ci przaja dziołcho miło
kochom łoczka twe i rence
chca by słonko nom świeciło
i naprowda nie chca wiencej

kej żech ujrzoł ciebie w banie
jak modelka gryfno tako
myśloł że mi serce stanie
boś nie była bylejako

niebogaty jo jest hanys
co na grubie robił kiedyś
ale kej ze mnom zostaniesz
to nie zaznosz żodnyj biedy

bo ci przaja dziołcho miło
i tyż prosza - przajej mi
żeby słonko nom świeciło
aż do końca naszych dni

 

 

2014

 

HANYSKA

Jestech hanyska

więc dej mi pyska
godo już wiela
żech fajno frela

miej na to pozór
z rymów mom ozór
lubia sie asić
nie chciej mie gasić

berom czasami
szczylom afami
ino mi sie cni
no bo przaja ci

 

2015